Tbilisi meri Kaxa Kaladze müavinləri Kaxa Güledani və İrakli Bendeliani ilə birlikdə Samqori rayonundakı 28 saylı uşaq bağçasının tikinti işləri ilə tanış olub.

“Bu layihə 450 uşaq üçün nəzərdə tutulub. Gələn ilə qədər işlər yekunlaşacaq və biz burada da eyni yanaşmanı tətbiq edəcəyik. Oyuncaqlar, yeməklər, yataq dəstləri, hazır interyer və s.-dən başlayaraq bütün beynəlxalq standartlar nəzərə alınacaq. Biz 15 uşaq bağçasının tikintisinə başlamışıq və tədricən şəhərdə tamamilə yeni, yaxşı təşkil olunmuş uşaq bağçalarımız olacaq”. – Kaxa Kaladze dedi.

Gürcüstan parlamentinin deputatı Varlam Liparteliani, Tbilisi Uşaq Bağçalarını İdarəetmə Agentliyinin rəhbəri Kaxa Abuladze və Samqori rayonunun qubernatoru Kaxa Samxaradze də iştirak ediblər.

Ekspertiza rəyinə görə, bağçanın köhnə binası möhkəmləndirilməyə məruz qalmayıb və bu səbəbdən sökülüb. Layihələndirmə işləri başa çatdıqdan sonra yeni binanın tikintisinə başlanılıb.

Tbilisi meriyasının məlumatına görə, yeni bina 15 qrup üçün nəzərdə tutulub və təxminən 450 uşağa xidmət göstərəcək.

“İnfrastrukturun miqyası nəzərə alınmaqla, Varketili üçüncü massivində əhalinin məktəbəqədər təhsil istiqamətində tələbatı tam ödəniləcək.

N28 Uşaq bağçasının qrupları və işçiləri hazırda yaxınlıqdakı bağlarda yerləşir və gələn ilin sonuna qədər uşaqlar yeni binaya qayıdacaqlar. Layihənin dəyəri 7,5 milyon laridir. – Tbilisi meriyasının yaydığı məlumatda qeyd olunur.