Gürcüstanın parlament nümayəndə heyətinin Skandinaviya ölkələrinə səfəri bu gün səhər Norveçdə rəsmi olaraq başlayıb. Nümayəndə heyətinə parlamentin sədri Şalva Papuaşvili rəhbərlik edir.

Nümayəndə heyətinin tərkibinə Maka Bochorişvili və Nikoloz Samxaradze həmçinin, müxalifətdən olan deputat Herman Sabo daxildir. Gün ərzində Norveç Kralı V Harald, Norveç parlamentinin sədri (Stortinq) Məsud Qaraxani, eləcə də Stortinqin Xarici Əlaqələr və Daimi Müdafiə Komitəsinin üzvləri və Xarici İşlər Nazirliyinin dövlət katibi Herik Tun ilə görüşlər keçiriləcək.

Osloda gürcü tərəfinin əsas müzakirə mövzusu Gürcüstanın NATO-ya üzvlüyü prosesi və bu istiqamətdə Norveçin dəstəyinin gücləndirilməsi olacaq.

Bununla yanaşı, parlament sədri dünən Norveçdə gürcü diasporunun üzvləri ilə də görüşüb. Şalva Papuaşvili Gürcüstanın Avropaya inteqrasiya prosesinə diqqət çəkib və Aİ-yə namizəd ölkə statusu ilə bağlı gözləntilərdən danışıb. Gürcüstan parlamentinin nümayəndə heyəti Norveçdən sonra üç ölkəyə, o cümlədən Danimarka, Finlandiya və İsveçə səfər edəcək. Gürcüstanın Avropa İttifaqına üzvlük prosesi və statusun verilməsi məsələsində bu ölkələrin dəstəyinin bildirilməsi müzakirə mövzusu olacaq. Gürcü tərəfi bu ölkələrin liderlərinə ölkədə hansı islahatların aparıldığını və Gürcüstana bu statusun verilməsinin nə üçün vacib olduğunu izah etməyi planlaşdırır.