Şalva Papuaşvili – “Vetting”in mahiyyəti azadlığın və müstəqilliyin məhdudlaşdırılmasıdır, əcnəbinin “həlledici səsi” olmalıdır – bu, Brüsselin Gürcüstana yönəlik tələbində sözbəsöz yazılıb

12:37, 18.11.2026

“Vetting” xarici ekspertlərin və ya müşahidəçilərin ədliyyə sisteminin yüksək vəzifəli şəxslərinin seçilməsində və təyin edilməsində həlledici rol oynayacağı mexanizmi nəzərdə tutur, əcnəbinin “həlledici səsi” olmalıdır, bu, Brüsselin Gürcüstana yönəlik tələbində sözbəsöz yazılıb, – bu barədə Gürcüstan Parlamentinin sədri Şalva Papuaşvili bildirib.

Onun sözlərinə görə, bu, müstəqillikdən imtina etməkdən başqa bir şey deyil.

“Sovet İttifaqından çıxmaq prosesində uğrunda mübarizə apardığımız dəyər — müstəqilliyimiz bu gün yenidən əlimizdən alınır. Vettinqin mahiyyəti azadlığın və müstəqilliyin məhdudlaşdırılmasıdır. Ölkəyə hakimi və ədliyyə sahəsinin nümayəndəsini əcnəbi təyin edəcəksə, daha hansı müstəqillikdən, hansı 3000 illik tarixdən, hansı David Ağmaşenebelidən, Çar Tamardan və İlia Çavçavadzedən danışa bilərik? – Brüssel bu gün bizə birbaşa deyir ki, hakimin təyin edilməsində həlledici söz hansısa estoniyalı, fransız və ya belçikalı qondarma ekspertə məxsus olmalıdır. “Gürcü Arzusu” hakimiyyətdə olduğu müddətdə bu konstitusiyaya zidd və ölkəmizin azadlığına qarşı yönəlmiş tələb reallaşmayacaq, lakin digər tərəfdən biz müxalifəti görürük ki, onlar bir daha marionet (kukla) olduqlarını və kiminsə onlara qırmızı xalça sərməsi, Brüsseldə hansısa kabinetdə görüşüb əl sıxması naminə ölkənin müstəqilliyindən imtina etməyə hazır olduqlarını nümayiş etdirirlər. Bu onların marionet xarakteridir”, – deyə Papuaşvili bildirib.

Onun bildirdiyinə görə, Moldovada vettinq komissiyasının üzvü Adeişvilinin dövründə baş prokurorun müavini olmuş Nona Tsotsoriadır.

“Əmlakın müsadirə edildiyi, televiziya və medianın məhdudlaşdırıldığı və zorakılığın normallaşdırıldığı ilk illərdə o, Baş Prokurorun müavini idi. Bu gün Nona Tsotsoria Moldovada kimin hakim və kimin prezident olacağına qərar verir. O, məhz belə bir nüfuza, keçmişə və vicdana malik insandır. Dürüstlüyü Baş prokurorun müavini kimi Gürcüstanda işgəncə sisteminin yaradılmasında iştirak etmiş bir şəxs yoxlayır. O, Baş prokurorun müavini vəzifəsində olarkən əmlakın müsadirəsi sisteminin qurulmasının iştirakçısı olub və bu gün kimlərinsə dürüstlüyünü yoxlayır. Ukraynaya gəlincə, orada birbaşa vəzifədə Gürcüstanın məhkəmə sistemində insanların işdən çıxarılması və təyin olunması proseslərində iştirak etmiş Adeişvili yer alır. Brüsselin dəyərlərindən danışarkən, Brüsselin dəyəri Zurab Adeişvili, Nona Tsotsoria və Mixeil Saakaşvilinin dəyəridir. Bu, Brüsselin dəyəridir – onların dürüstlüyü necə başa düşdüklərinin göstəricisidir. Brüsselin anlayışında dürüstlük Saakaşvilinin diktator rejimidir”, – Papuaşvili bildirib”, – Papuaşvili bildirib.

Oxşar