Gürcüstan parlamentinin sədri Şalva Papuaşvili Ukrayna xalqını Birlik Günü münasibətilə təbrik edib.

O, ukraynalılara sülh və ruh yüksəkliyi arzulayıb.

“Bilirsiniz ki, fevralın 14-də Ukrayna prezidentinin fərmanı ilə fevralın 16-sı Ukraynanın Birlik Günü elan edilib. Ukrayna üçün bu çətin dövrdə Ukrayna xalqını, bacı və qardaşlarımızı Ukrayna Birliyi Günü münasibətilə təbrik etmək istərdim.

Ukrayna bayrağının ucaldılması mərasimi bu gün Ukrayna səfirliyində də keçiriləcək və mərasimdə parlamentin vitse-spikeri və Gürcüstan-Ukrayna parlament dostluq qrupunun rəhbəri Arçil Talakvadze iştirak edəcək. Mən bu çətin dövrdə Ukraynaya sülh və ruh yüksəkliyi arzulamaq istəyirəm”, – Şalva Papuaşvili parlamentin büro iclasının əvvəlində bildirib.