Gürcüstan Parlamentinin sədri, Şalva Papuaşvili Türkiyə Respublikası Parlamentində Gürcüstanla dostluq qrupunun sədri, Halil Eteymez və qrupun üzvləri ilə görüşdü.

Parlamentin mətbuat xidmətindən verilən məlumata görə, tərəflər Gürcüstan və Türkiyə Respublikası arasında müxtəlif sektorlarda uzunmüddətli sıx əməkdaşlığı nəzərdən keçirdilər və qanunverici orqanlar arasında əlaqələrin son vaxtlar intensivləşməsini alqışladılar. Görüşdə regional əməkdaşlıq da müzakirə edildi. Şalva Papuaşvili qeyd etdi ki, Gürcüstan Gürcüstan-Türkiyə-Azərbaycan üçtərəfli əməkdaşlığa böyük önəm verir. Əsas diqqət regional sülhün möhkəmləndirilməsi istiqamətində atılan addımlara yönəldildi. Şalva Papuaşvili Gürcüstanın suverenliyi, ərazi bütövlüyü və tanınmama siyasətinə verdiyi dəstəyə görə minnətdarlığını bildirdi.

Tərəflər strateji partnyorluğu daha da dərinləşdirməyə hazır olduqlarını bildirdilər.