Gürcüstan parlamentinin sədri Şalva Papuaşvili Slovakiya Respublikasının Gürcüstana yeni təyin olunmuş səfiri Matuş Buşovski ilə tanışlıq məqsədli görüş keçirib. Bu barədə parlamentin mətbuat xidməti məlumat yayır.

Qurumun yaydığı məlumatda, Şalva Papuaşvilinin Matuş Buşovskini səfir təyin olunması münasibətilə təbrik etdiyi və ona fəaliyyətində uğurlar arzuladığı deyilir.

“Tərəflər yüksək səviyyəli səfərlər də daxil olmaqla Gürcüstan və Slovakiya arasında əməkdaşlığın dinamikasını müsbət qiymətləndiriblər.

Görüşdə Gürcüstan-Slovakiya ikitərəfli münasibətlərinə, Gürcüstanın Avropa İttifaqına daxil olmaq yolunda irəliləyişinə, bu baxımdan Gürcüstanın gözləntilərinə və regionda mövcud vəziyyətə toxunulub.

Səfir qeyd edib ki, Slovakiya Gürcüstana Avropa İttifaqına namizəd statusunun verilməsini dəstəkləyir və Gürcüstana bütün lazımi istiqamətlərdə yardım göstərməyə hazırdır” – deyə parlamentin mətbuat xidmətinin məlumatında qeyd olunub.