Gürcüstan parlamentinin sədri Şalva Papuaşvili, parlamentin “Seçki Məcəlləsi”nə dəyişikliklərlə bağlı prezidentin vetosunu aşacağını bildirib.

Papuaşvili, dəyişikliklərə veto qoymaq üçün heç bir məzmunlu səbəbin olmadığını bildirib.

“Əlbəttə, biz vetonu aşacağıq. Üstəlik, bilirsiniz ki, bu qanun paketinə reqlamentə dəyişiklik daxil idi və artıq bir aydır qüvvədədir, çünki reqlamentə dəyişikliyi parlamentin sədri imzalayır və bu halda veto hüququ şamil edilmir. Müvafiq olaraq, bu paketin ikinci hissəsi bir aydır qüvvədədir və biz “Seçki Məcəlləsi”nə dəyişikliyə qoyulmuş vetonu da aşacağıq. Dırnaq arası əsaslı iradlara gəlincə, dünən də deyildi və hüquq məsələləri komitəsində müzakirəni siz də izləyirdiniz, əslində heç bir əsaslı motiv yox idi. Belə ki, bu dəyişikliyin guya Avropa standartına zidd olduğu üçün qəbul edilməməli olduğu deyildi, bu isə yalandır. Belə bir sistemə malik heç bir Aİ ölkəsi yoxdur. Həmçinin, bu düzəlişin Venesiya Komissiyasının rəyinə guya zidd olduğu üçün qəbul edilməməsi də deyildi. Təbii ki, bu da yalandır, çünki Salome Zurabişvilinin iradları da Venesiya Komissiyasının rəyini bölüşmür. Dəyişikliyin guya doqquz bəndə zidd olduğu deyildi, bu da yalandır. Doqquz bənddən dördüncü bəndin ideyası ondan ibarətdir ki, seçkilər ədalətli, rəqabətli şəkildə keçirilməlidir. Seçkilər Mərkəzi Seçki Komissiyasının sədri, tam müddətə seçilməmiş iki üzv olması şəraitində keçiriləcəkdi. Bu, müxalifətə nəticələrə yenidən etiraz etmək üçün bəhanə verəcəkdi.

Sonda plan deşifrə edildi. Komissiyanın sədri müxalifətdən olan müavin seçilməli idi. İndi MSK sədrinə istər mətbuatdan, istər müxalifətdən, istərsə də qeyri-hökumət sektorundan təzyiqlər edildiyinə şahid oluruq. Onu sədrlikdən uzaqlaşdırmaq və sonra “Lelo”nun seçki keçirməsi istəyinin olduğunu görürük. “Lelo”nun keçirdiyi seçkilərdə hansı ədalətdən söhbət gedir. Ona görə də dünən əsaslı iradlarla bağlı üç yalan deyildi. “Üç yalan”da belə iradlar səsləndirildikdə, burada hər hansı məzmunlu səbəbin olduğunu söyləməyə ehtiyac yoxdur. Salome Zurabişvilinin yeganə motivi “Milli Hərəkat”a artıq dördüncü dəfə seçkilərin nəticələrini tanımamaq üçün bəhanə yaratmaqdır. “Milli Hərəkat”ın bu seçkilərin nəticələrini tanımayacağına 100 faiz zəmanət verilir. 2012-ci ildə nəticələri tanımadılar, 2016-da tanımadılar, 2020-də tanımadılar, bu təcrübə bizə indi də seçkilərin nəticələrini tanımaq niyətində olmadıqlarını deyir. Onlar artıq inqilabi ssenarilərə hazırlaşır və buna bəhanələr hazırlayırlar. O cümlədən məhz bu dırnaq arası əsaslı iradlar səbəbdir. Dünən deyilənlər, o cümlədən Prezident Administrasiyasının nümayəndəsinin MSK-nın birpartiyalı olacağı kimi sözləri cəfəngiyyatdır. MSK-da 8 müxalifət partiyası təmsil olunur, ümumiyyətlə hansı təkpartiyalı sistemdən danışırlar? Bu, hesabdan bixəbərlikdir, daha doğrusu, Gürcüstan vətəndaşlarının hesabdan xəbərsiz olması və MSK-da səkkiz müxtəlif müxalifət partiyasının təmsil olunduğunu hesablaya bilməməsi fikridir. Beləliklə, bu iradın yeganə səbəbi seçkilərin nəticələrini tanımamaq üçün bəhanə yaratmaqdır.
Parlament ən ali nümayəndəlik orqanıdır. Gürcüstan parlamentində çoxluq gürcü xalqının əksəriyyətinin nümayəndəsidir, müvafiq olaraq seçki Gürcüstan əhalisinin əksəriyyətinin adından keçiriləcək. Buna dövlət və demokratiya deyirlər. Qalanı uydurmadır, bununla seçkinin nəticələrini tanımamaq üçün bəhanə yaratmaq istəyirlər. Bugünkü sözləri yadda saxlayın, oktyabrın 26-da seçkilər keçiriləcək, 27 oktyabrda seçkiləri tanımamaq üçün məhz bu bəhanəni gətirəcəklərinə şahid olacaqsınız və onların planı bir daha deşifrə olunacaq” – Papuaşvili qeyd edib.

Salome Zurabişvili martın 5-də “Seçki Məcəlləsi”nə dəyişikliklərə veto qoyub.