Rumıniya Senatının prezidenti Nikolae Çuka ilə görüşdə mən Gürcüstanın Avropa İttifaqı və NATO-ya daxil olmaq yolunda irəliləyişindən ətraflı şəkildə danışdım – bu barədə Gürcüstan parlamentinin sədri Şalva Papuaşvili “Facebook” səhifəsində yazır.

O, senatın prezidentinin Gürcüstanın həyata keçirdiyi islahatları müsbət qiymətləndirdiyini bildirib.

“Rumıniya tərəfinə Gürcüstanın ərazi bütövlüyünə və Avropa gələcəyinə göstərdiyi qətiyyətli dəstəyə görə təşəkkür etdim. Görüşdə Gürcüstan və Rumıniya arasında strateji tərəfdaşlıqdan danışdıq. Nikolae Çukanın Gürcüstan-Rumıniya münasibətlərinin dərinləşməsinə xüsusi töhfəsini qeyd etdim. İki ölkə arasında parlamentlər səviyyəsində, eləcə də iqtisadiyyat və enerji sahələrində əməkdaşlığı müzakirə etdik. Gürcüstanın Avropa İttifaqına və NATO-ya daxil olmaq yolunda irəliləyişindən ətraflı şəkildə danışdım. İndiki tarixi dövrdə Rumıniyanın Gürcüstana gələcək dəstəyinin əhəmiyyətini vurğuladım. Senatın prezidenti Gürcüstanın həyata keçirdiyi islahatları müsbət qiymətləndirdi. O qeyd etdi ki, Avropa İttifaqı və NATO-nun Gürcüstanın nəticələrini və ölkənin beynəlxalq missiyalara töhfəsini tanıması və qiymətləndirməsi vacibdir. O, həmçinin bildirdi ki, Rumıniya Gürcüstanı Avropa İttifaqı və NATO-ya daxil olmaq yolunda dəstəkləməyə davam edəcək”- Şalva Papuaşvili yazır.