Qiorqi Amilaxvari bütün peşəkar karyerasını təhsil sisteminə həsr etmiş və bu baxımdan böyük təcrübəyə malik bir insandır-bu barədə Gürcüstan parlamentinin sədri Şalva Papuaşvili təhsil naziri vəzifəsinə Qiorqi Amilaxvarinin mümkün təyinatı ilə bağlı ünvanlanmış sualı cavablandırarkən bildirib.

Kadr dəyişikliyi və nazirin təyinatına gəlincə, Şalva Papuaşvili bunun baş nazirin səlahiyyətində olduğunu və məhz onun kadr dəyişikliyini elan etməli olduğunu qeyd edib.

“Biz müəssisələrə hörmət etməliyik. Bu məsələ ilə bağlı müvafiq yenilikləri ictimaiyyətə çatdırmaq baş nazirin səlahiyyətindədir. Qiorqi Amilaxvariyə gəlincə, o, bütün peşəkar karyerasını təhsil sisteminə həsr etmiş və bu baxımdan böyük təcrübəyə malik bir insandır. Komandamızda təhsil məsələləri ilə əlaqədar səriştəli əsas insan olması ilə yanaşı parlamentdə də bu baxımdan xüsusi səriştəli insandır. Qərara gəlincə, bu, baş nazirin səlahiyyətindədir” – deyə Şalva Papuaşvili açıqlayıb.

Baş nazirin mətbuat xidməti İrakli Ğaribaşvilinin bu gün yeni təhsil nazirini təqdim edəcəyi ilə bağlı məlumat yayır. Parlamentin Təhsil Komitəsinin sədri Qiorqi Amilaxvarinin bu vəzifədə Mixeil Çxenkelini əvəz edəcəyi ilə bağlı məlumat yayılır.