Praqada baş verən atışma bizi dərindən sarsıtdı- bu barədə Gürcüstan parlamentinin sədri Şalva Papuaşvili sosial şəbəkədə yazır.

Şalva Papuaşvili Çexiya xalqına və həlak olanların ailələrinə başsağlığı verir.

“Praqada baş verən atışma bizi dərindən sarsıtdı. Marketa Pekarova-Adamovaya, Miloş Vistrçilə, Çexiya xalqına və ailələrə dərin hüznlə başsağlığı verirəm. Yaralıların tezliklə şəfa tapmasını arzulayıram. Bu çətin zamanda Çexiyanın yanındayıq”- Şalva Papuaşvili yazır.

Praqanın mərkəzində yerləşən Karl Universitetində silahlı şəxs atəş açıb. Son məlumata görə, atışma nəticəsində 15 nəfər həlak olub. İan Palax meydanında yerləşən universitet binasından insanlar təxliyə edilib, meydan və ətraf küçələr bağlanıb. Hadisə yerində təcili yardım xidmətləri işləyir.