Gürcüstan parlamentinin sədri Şalva Papuaşvili NATO baş katibinin müavini Mirça Coana ilə görüşüb.

Parlamentin mətbuat xidmətindən verilən məlumata görə, tərəflər NATO-Gürcüstan münasibətlərini, regionda cari hadisələri və gələcək planları müzakirə ediblər.

NATO baş katibinin müavini Gürcüstanın ərazi bütövlüyünə sarsılmaz dəstəyini ifadə edib.

Parlamentin sədri Mirça Coana dəstəyə görə təşəkkür edib və bildirib ki, Gürcüstan Şimali Atlantikaya inteqrasiya yolunda irəliləyiş əldə etməyə davam edəcək.

Şalva Papuaşvilinin rəhbərlik etdiyi parlament nümayəndə heyətinin tərkibinə Xarici Əlaqələr Komitəsinin sədri Nikoloz Samxaradze, Müdafiə və Təhlükəsizlik Komitəsinin sədri İrakli Beraya və parlamentin üzvü Ketevan Turazaşvili daxildir.