Müxalifətin bir hissəsinə səslənirəm, iş görmürlərsə, heç olmazsa onun pozulmasında iştirak etməsinlər, çünki onlar ölkənin Avropa gələcəyini məhv edirlər- bu barədə Gürcüstan parlamentinin sədri Şalva Papuaşvili bildirib.

Şalva Papuaşvili gürcü cəmiyyətinin yayda, iki ay ərzində müxalifətin bir hissəsinin, “Milli Hərəkat” və onunla müttəfiq olan iki partiyanın istənilən yolla inteqrasiya prosesini zədələməyə çalışdığını öz gözləri ilə gördüyünü açıqlayıb.

“Müxalifət tövsiyələr əsasında müvafiq dəyişikliklərin qəbulunun son mərhələdə olduğunu görür. Gürcü cəmiyyəti yayda, iki ay ərzində müxalifətin bir hissəsinin, “Milli Hərəkat” və onunla müttəfiq olan iki partiyanın istənilən yolla inteqrasiya prosesini zədələməyə çalışdığını öz gözləri ilə gördü. Onlar parlament prosesini gözdən salmağa hər cür cəhd edirdilər. İndi onlar bunu bacarmadıqlarına əmin oldular və görürük ki, bu və ya digər hərəkətə başqa izahat tapmağa çalışırlar. Ölkə hakimiyyəti tövsiyələrin yerinə yetirilməsinə cavabdehdir və biz bu məsuliyyətlə hərəkət etmişik və bu tövsiyələrin lazımi qaydada yerinə yetirilməsi üçün fəaliyyətimizi davam etdiririk. Müxalifətin bu hissəsinin bu baxımdan ölkənin irəliləməsinə töhfə vermək istəmədiyini görürük, əksinə proseslərə xələl gətirməyə çalışdıqlarına şahid oluruq. Müxalifətin bir hissəsinə səslənirəm, iş görmürlərsə, heç olmazsa onun pozulmasında iştirak etməsinlər, çünki onlar ölkənin Avropa gələcəyini məhv edirlər” -deyə Papuaşvili bildirib.