O ki qaldı təbliğata, kimə inanıb kimə inanmamağa, nəyə inanmağa? Öz gözümüzə, qulağımıza və öz ağlımıza inanaq -bu barədə Gürcüstan parlamentinin sədri Şalva Papuaşvili parlamentin bürosunun iclasında bildirib və müxalifət nümayəndələrinə müraciət edib.

Şalva Papuaşvilinin qeyd etdiyi kimi, bu təbliğat şarı da digər təbliğat şarları kimi partlayacaq.

“2020-ci ilin seçkilərindən sonra bəzi insanların təbliğatla guya seçkilərin saxtalaşdırıldığına dair necə səhvə sürükləndiyini xatırlayırıq. Aksiyaları da xatırlayırıq, bəyanatları da xatırlayırıq, lakin həqiqətin nə olduğunu gördük, gizlədə bilmədilər. Burada da guya rus qanununu qəbul etdiyimizlə, bunun ilk dinləmə olmaması və Venesiya Komissiyasının olmayacağı ilə əlaqədar təbliğat gedir. Bütün bunları xalq görür və görəcək. Bu təbliğat şarı da digər təbliğat şarı kimi partlayacaq və nəhayət, başqa vaxtlarda da sarsıldığı kimi sizə olan inam da sarsılacaq və ona görə deyirəm ki, təbliğat əvəzinə məzmun üzərində işləyin. O ki qaldı xəyali vətənpərvər bəyanatlara, biz heç kimə icazə verməyəcəyik, bu halda mənim arxamda Davit Ağmaşenebeli təsvir olunub, heç kimə Rusiya ilə paralellər aparmağa imkan verməyəcəyəm. Heç birinizə hüquq verməyəcək, özünüzü vətənpərvər kimi göstərməyinizə imkan tanımayacağam” -deyə Şalva Papuaşvili açıqlayıb.