Avropa Şurasının müəyyən etdiyi 12 prioritetin yerinə yetirilməsi ilə yanaşı, Gürcüstan parlamenti parlament diplomatiyası istiqamətini xüsusilə gücləndirdi, bizim artıq müxtəlif ölkələrə səfərimiz olub, Hollandiya parlamentinin yuxarı və aşağı palatalarının sədrləri ilə görüş də məhz bu məqsədə xidmət edirdi- bu barədə Gürcüstan parlamentinin sədri Şalva Papuaşvili açıqlayıb.

Papuaşvilinin dediyi kimi, Gürcüstanın Avropaya inteqrasiyası Hollandiyanın dəstəyini görür.

“Gürcüstanın Avropa yolu və inteqrasiya prosesinin Hollandiya parlamentinin çoxpartiyalı dəstəyinə malik olduğunu deyə bilərik. Bundan əlavə, Gürcüstan parlamentinin Avropa İttifaqının köməyi ilə həyata keçirdiyi “Twinning” layihəsindən irəli gələrək Hollandiya parlamenti ilə xüsusi tərəfdaşlığımız var. Bu layihədə tərəfdaşımız məhz Hollandiya parlamentidir. Bu əməkdaşlıq iki parlamentlə komitələr səviyyəsində xüsusilə sıx əlaqələr qura biləcəyimizi deməyə əsas verir, beləliklə, onlar Gürcüstanın 12 prioritetin yerinə yetirilməsi üçün gördüyü işlərdən daha intensiv xəbərdar olacaqlar. İkinci tərəfdən, Avropa İttifaqının Gürcüstanın tərəqqisini tez bir zamanda qiymətləndirməsinə və namizəd statusu ilə bağlı qərar qəbul etməsinə dair arzumuzu bölüşməliyik” -deyə Papuaşvili açıqlayıb.