Gürcüstan və Azərbaycan arasında əməkdaşlıq regional sülh və sabitlik üçün vacibdir. Qafqazın təhlükəsizliyinin əsas oxu Gürcüstan və Azərbaycan arasında əməkdaşlıqdan keçir – Gürcüstan parlamentinin sədri Şalva Papuaşvili Azərbaycan Respublikasının müstəqilliyinin 105-ci ildönümünə həsr olunmuş ziyafətdə bu sözləri deyib.

Gürcüstan parlamentinin sədri regionda təhlükəsizlik mühitinin yaxşılaşdırılmasından danışıb. Onun sözlərinə görə, silahlı qüvvələr ölkənin qüruru və gücüdür.

“Biz regionumuzda təhlükəsizlik mühitinin yaxşılaşdırılması üçün səylərimizi əsirgəməyəcəyik. Bu tarixi gündə silahlı qüvvələrin təkcə ölkələrimizin qorunmasında deyil, həm də xalqlarımızın sülh şəraitində yaşamasının təmin edilməsində əhəmiyyətini xüsusi qeyd etmək istərdim. Silahlı qüvvələr ölkənin qüruru və gücüdür. Azərbaycan Silahlı Qüvvələrinə arzu edirəm ki, Azərbaycan dövlətinə ləyaqətlə xidmət etsin. Bir daha Azərbaycan xalqını Müstəqillik Günü və Silahlı Qüvvələr Günü münasibətilə təbrik edir, onlara sülh, uğurlar və firavanlıq arzulayıram”, – Şalva Papuaşvili bildirib.