Mən Ana Kilsənin rəhbərini, gürcü kilsəsinin böyük atalarının yolunu fədakarlıqla davam etdirən Ümumi Gürcüstanın Katolikos-patriarxı II İlia həzrətlərini ortodoks kilsəsinin avtokefaliyasının bərpası günü münasibətilə təbrik edirəm-bu haqda Gürcüstan parlamentinin sədri sosial şəbəkədə yazır.

Şalva Papuaşvilinin qeyd etdiyi kimi, avtokefaliyanın bərpası kimliyimizin, mədəniyyətimizin və tariximizin müəyyənedici aktı kimi böyük əhəmiyyətə malik hadisədir.

“Gürcüstan ortodoks kilsəsinin avtokefaliyasının bərpası gürcü dövlətinin suverenliyi və kimliyinin olduqca mürəkkəb yolunda kimliyimizin, mədəniyyətimizin və tariximizin müəyyənedici aktı kimi olduqca böyük əhəmiyyətə malik hadisədir. Mən ilk növbədə Ana Kilsənin rəhbərini bu həqiqətən də tarixi gün münasibətilə gürcü kilsəsinin böyük atalarının yolunu fədakarlıqla davam etdirən Ümumi Gürcüstanın Katolikos-patriarxı II İlia həzrətlərini təbrik edirəm.
Din xadimlərimizi və din xadimi adının daşıyıcılarını təbrik edirəm. Mən hər bir gürcünü, bu ölkənin hər bir həqiqi vətənpərvərini təbrik edirəm, çünki bugünkü gün vətənimizin etiqad azadlığını və dövlət müstəqilliyinin təməl daşını təmsil edir. Gürcüstan dövlətinin bünövrəsinin, gürcü ortodoks kilsəsinin müstəqilliyinin sarsıdılmasına və tənəzzülünə heç vaxt imkan verməmək bizim və gələcək nəsillərimizin borcudur. Gürcü dövlətinin və dövlətçiliyinin mövcudluğunun möhkəm təminatı kimi ulu əcdadlarımızın Ana Kilsə üçün xidmətlərini unutmayaq” – Şalva Papuaşvili yazır.

Martın 24 və 25-də Gürcüstan ortodoks kilsəsi Avtokefaliya gününü qeyd edir.