Uçuşların məhdudlaşdırılması Rusiyanın tətbiq etdiyi sanksiya idi, Gürcüstana qarşı mövcud sanksiyaların ləğvi təqdirə layiqdir, həmçinin Gürcüstana qarşı digər ədalətsizliklərə, o cümlədən işğala son qoyulmalıdır, Rusiyanın qərarları nəticə etibarı ilə bu yerə getməlidir – bu barədə parlamentin sədri Şalva Papuaşvili açıqlayıb.

Papuaşvili sanksiya tətbiq olunan heç bir şirkətin Gürcüstana buraxılmayacağını deyib.

“Gürcüstanın beynəlxalq sanksiyalara əməl olunmasını və ölkədən sanksiyalardan yan keçmək üçün istifadə edilməməsini tam təmin etdiyinə dair öz yanaşmamızı dəfələrlə bəyan etmişik. Heç bir aviaşirkətin, sanksiya tətbiq olunmuş heç bir təyyarənin Gürcüstanın hava limanına enməyəcəyi açıq şəkildə deyildi. Gürcüstan Rusiyaya qarşı ikitərəfli sanksiyalar və öz vətəndaşlarına qarşı sanksiyalar tətbiq etmək niyyətində deyil, bu da birmənalı şəkildə deyildi. Gürcüstan hakimiyyəti bir tərəfdən beynəlxalq sanksiyalara əməl olunmasını təmin etməklə, digər tərəfdən də ikitərəfli sanksiyalar və öz vətəndaşlarına qarşı sanksiyalar tətbiq etməməklə bu iki məsələyə vicdanla əməl edəcək” -deyə Papuaşvili açıqlayıb.