Şalva Papuaşvili – “Gürcü Arzusu”nun düzgün siyasəti və ictimaiyyətin dəstəyi olmasaydı, sülhü qoruyub saxlamaq mümkün olmazdı, biz ölkəni məhv olmaq məcrasından sülh məcrasına çıxardıq

Gürcüstanın müstəqilliyi dövründə dörd hökumətdən məhz “Gürcü Arzusu” hakimiyyəti sarsılmaz sülhü qoruyub saxlamağı bacaran yeganə hökumətdir, gürcü cəmiyyətinin dəstəyi və düzgün siyasət olmasaydı, sülhü qoruyub saxlamaq qeyri-mümkün olardı, – bu barədə Gürcüstan Parlamentinin sədri Şalva Papuaşvili bəyan edib.

Papuaşvilinin bildirdiyinə görə, təəssüf ki, ölkənin yaxın tarixi münaqişə və müharibələrin daha adi bir hal olduğunu göstərir, “Gürcü Arzusu” hakimiyyəti isə ölkəni məhv olmaq məcrasından sülh məcrasına çıxarıb.

“Avropa İnsan Haqları Məhkəməsi şikayətimiz əsasında və göstərdiyimiz səylər nəticəsində Rusiyanın Abxaziya və Tsxinvali bölgəsini işğal etdiyini, üstəlik, bu işğalın təkcə 2008-ci ildən deyil, məhz 1990-cı illərdən başladığını müəyyən etdi. Strasburq Məhkəməsinin qərarına əsasən, Rusiya səmərəli nəzarəti həyata keçirən dövlətdir, bu da bunun işğal olduğunu göstərir. İşğala gəlincə, son illərə qədər Avropa İttifaqı heç bir sənəddə və ya bəyanatda Rusiyanın Gürcüstan ərazilərini işğal etdiyini demirdi; Abxaziya və Tsxinvali bölgəsini işğal olunmuş ərazilər kimi deyil, fərqli bir terminologiya ilə – Gürcüstandan qopardılmış ərazilər kimi qeyd edirdi. Bizim davamlı çağırışlarımız nəticəsində, yəqin ki, son iki ildir bəzi bəyanatlarda bu məsələ yalnız qismən düzəldilib və Abxaziya ilə Tsxinvali bölgəsi birlikdə – işğal olunmuş və qopardılmış ərazilər kimi qeyd olunur ki, bu da həmçinin qəbuledilməzdır. Avropa İttifaqı nəhayət bu cür ikili standartdan əl çəkməli və işğalı öz adı ilə adlandırmalıdır”, – deyə Papuaşvili bildirib.

Suxuminin süqutundan 33 il keçib. Abxaziyada hərbi əməliyyatlar 1992-ci il avqustun 14-də başlayıb və 13 ay 13 gün davam edib.