Avropaya İnteqrasiya üzrə Hökumət Komissiyasının təsdiq etdiyi fəaliyyət planını izləyirik, orada yazılan qrafikə, mövzulara və addımlara uyğun hərəkət edirik-bu haqda Gürcüstan parlamentinin sədri Şalva Papuaşvili Avropa Komissiyasının doqquz tövsiyəsi ilə bağlı ilk işçi iclası başlamazdan əvvəl bildirib.

“İlk növbədə qeyd etmək lazımdır ki, doqquz addım üzərində iş hələ dekabr ayından başlayıb. O cümlədən ilk nəticələr də dekabr ayında oldu, xatırladığınız kimi, Venesiya Komissiyasının rəyi əsasında de-oliqarxizasiya üzrə fəaliyyət planından irəli gələn partiyaların maliyyələşdirilməsi ilə bağlı dəyişikliyi ötən ilin dekabrında qəbul etdik, təəssüf ki, müxalifət, bağlı qapılar arxasında bu dəyişikliyə razılıq versə də, daha sonra açıq şəkildə və iclas salonunda dəstək vermədi. Bir daha deyirəm, doqquz addım üzərində iş və nəticələr dekabr ayından başladı. Bugünkü görüşə gəlincə, Avropaya İnteqrasiya üzrə Hökumət Komissiyasının təsdiq etdiyi fəaliyyət planını izləyirik. Məhz orada yazılan qrafikə, mövzulara, addımlara uyğun hərəkət edirik. O cümlədən, bu məsələ, fəaliyyət planı ilə bağlı Avropa Komissiyası ilə də ünsiyyət olub və belə təsdiq olunub”- Şalva Papuaşvili qeyd edib.

O, bu gün görüşün iqtidar komandasının danışdığı iş formatında keçiriləcəyini və bu formatda həm müxalifət, həm də vətəndaş sektorunun iştirak edəcəyini bildirib.

“Bugünkü gündəliyimizə doqquz addımdan irəli gələn bütün məsələlərin müzakirəsi daxildir. Təbii ki, biz parlamentin səlahiyyətlərinə aid olan məsələlərə xüsusi diqqət yetiririk, çünki bilirsiniz ki, 12 tövsiyədən fərqli olaraq doqquz addımın yalnız bir hissəsi qanun yaradıcılığında parlamentin səlahiyyətinə aid olan məsələlərdir, böyük hissəsi isə təcrübə ilə bağlıdır, bu səbəbdən ümid edirəm ki, səmərəli görüş olacaq, 12 addım halında olduğu kimi, bu gün də bu, hər kəsin öz ideyalarını, fikirlərini və mövqelərini ifadə etmək imkanının olduğu formatdır”-Şalva Papuaşvili açıqlayıb.

O bildirib ki, dezinformasiyaya qarşı mübarizəyə və Aİ-nin xarici siyasət bəyanatlarına və vasitələrinə qoşulmaq göstəricisinə gəlincə, bu, daha çox hökumətin səlahiyyətidir.

“Bununla bağlı atılacaq addımların tədbirlər planında da yazıldığını bilirsiniz. Yeri gəlmişkən, Gürcüstanın artıq bununla bağlı, o cümlədən qoşulmaqla bağlı yaxşı statistikası var. Dezinformasiya ilə mübarizəyə gəlincə, burada bilirsiniz ki, Xarici İşlər Nazirliyi bu məsələyə, institusional hissəyə nəzarət edir. Ümumiyyətlə, dezinformasiyanı onsuz da diqqət mərkəzində saxladığımızı bilirsiniz və biz bununla onsuz da gündəlik açıqlamalarımızla mübarizə aparırıq. Qeyd etdiyim kimi, parlamentdə əməkdaşlığa aid olan hissədə depolarizasiya, o cümlədən məhkəmə islahatı məsələləri, seçki məsələləri, korrupsiyaya qarşı mübarizə və xüsusi istintaq xidməti məsələləri kimi bütün bu məsələləri bugünkü iclasda müzakirə edəcəyik”-deyə Şalva Papuaşvili əlavə edib.