Çinin vizasız gediş-gəlişlə bağlı qərarı Çinin gürcü xalqına münasibətini və Gürcüstanla strateji tərəfdaşlığını vurğulayır-bu haqda Gürcüstan parlamentinin sədri Şalva Papuaşvili açıqlayıb.

Şalva Papuaşvili Çinin Gürcüstan vətəndaşları üçün vizasız gediş-gəliş rejimi tətbiq etməsinə münasibət bildirib.

“Çinin bir çox ölkə ilə vizasız gediş-gəliş rejimi yoxdur. Çin Xalq Respublikasının Gürcüstanla bağlı qəbul etdiyi qərar onların gürcü xalqına münasibətini, bizim strateji tərəfdaşlığımızı vurğulayır, bu sənəd nöqteyi-nəzərdən hələ gəncdir, ancaq, bu, artıq çoxlu nəticələr verib və biz bunu təqdir edirik. Bu qərar vətəndaşlarımız üçün faydalıdır. Ümumiyyətlə, bilirsiniz ki, Gürcüstan pasportunun gücü ildən-ilə artır. Ona görə də mən hamını Gürcüstana münasibətdə vizasız gediş-gəliş rejimi tətbiq etməyə çağırıram. Gürcüstanda ümumilikdə 3,5 milyon insan yaşayır və hansısa ölkənin bizim haqqımızda sualı, bu və ya digər ölkəyə həddindən artıq miqrasiya olacağına dair qorxuları olması üçün elə də böyük olduğumuzu hesab etmirəm. Vizasız gediş-gəliş rejimi mədəni və insani əlaqələr üçün xüsusi əhəmiyyət kəsb edir. Aİ Gürcüstan üçün vizasız gediş-gəliş rejimi tətbiq etdikdən sonra biz gənclərimizə Aİ ölkələrinin vətəndaşları ilə yaxınlaşmaq üçün Aİ-yə səyahət etmək və təhsil almaq imkanlarının verildiyini gördük. Təbii ki, başqa ölkələr də belə qərar qəbul etdikdə bu, münasibətləri gücləndirəcək”- Şalva Papuaşvili qeyd edib.