Gürcüstan parlamentinin sədri Şalva Papuaşvili Çili Respublikasının Milli Konqresinin Nümayəndələr Palatasının vitse-prezidenti Klaudia Miks ilə görüşüb.

Görüşdə Gürcüstan və Çili arasında ikitərəfli münasibətlərin dərinləşməsi, eləcə də beynəlxalq təhlükəsizlik mühiti barədə danışılıb.

Şalva Papuaşvili Gürcüstan parlamentində artıq Çili Respublikası ilə Dostluq Qrupunun yaradıldığını qeyd edib və yaxın vaxtlarda Çili parlamentində Gürcüstanla Dostluq Qrupunun yaradılacağına ümid etdiyini bildirib.

Parlamentin sədri BMT Baş Assambleyasında Gürcüstanın işğal olunmuş bölgələrindən olan məcburi köçkünlərin və qaçqınların statusu haqqında qətnaməyə ilkin dəstək verdiyinə görə Çili Respublikasına minnətdarlığını bildirib.

Məlumatı Gürcüstan parlamentinin mətbuat xidməti yayır.