Gürcüstan parlamentinin sədri Şalva Papuaşvilinin sözlərinə görə, İtaliyada keçirilən bütün görüşlərdə İtaliyanın Gürcüstana namizəd statusunun verilməsinin tərəfdarı olduğu vurğulanıb.

Onun sözlərinə görə, görüşlərdə Gürcüstanın tövsiyələrin icrası prosesində əldə etdiyi irəliləyiş də müzakirə olunub.

“Bu gün bizim İtaliya Senatının vitse-prezidenti, Avropa məsələləri naziri, xarici işlər nazirinin müavini ilə görüşlərimiz oldu. Bütün görüşlərdə bizim Avropa istəklərimizə və namizədlik statusumuza böyük dəstək verildi. Onlar tərəfindən İtaliyanın Gürcüstana namizəd statusunun verilməsinin tərəfdarı olduğu qəti şəkildə təsdiqləndi. 12 tövsiyənin yerinə yetirilməsi yolunda Gürcüstanın əldə etdiyi irəliləyişdən danışdıq. Hesab edirəm ki, bu ilin dekabrında qərar qəbul edərkən İtaliyanın dəstəyinə ümid etməliyik”- Şalva Papuaşvili bildirib.