Şalva Papuaşvili Belçika-Gürcüstan Parlament Dostluq Qrupunun üzvləri ilə görüşüb

12:53, 19.09.2022

Gürcüstan parlamentinin sədri Şalva Papuaşvili Belçika Krallığının Federal Parlamentinin Belçika-Gürcüstan Parlament Dostluq Qrupunun sədri Mark Dimesmaker və qrupun üzvləri ilə görüşüb.

Parlamentin sədri Belçika Krallığının Gürcüstanın ərazi bütövlüyünə, Avropa İttifaqına və Şimali Atlantika Alyansına inteqrasiyasına verdiyi dəstəyə görə nümayəndə heyətinin üzvlərinə minnətdarlığını bildirib.

Şalva Papuaşvili Avropa Şurasının 12 tövsiyəsinin Gürcüstan tərəfindən icrası prosesindən ətraflı danışıb və qeyd edib ki, bununla bağlı parlamentdə fəal və səmərəli iş gedir.

Məlumatı Gürcüstan Parlamentinin İctimaiyyətlə Əlaqələr və İnformasiya Departamenti yayır.

Müəllif - Sevinj Mustafaeva

Siyasət