Gürcüstan parlamentinin sədri Şalva Papuaşvili parlament nümayəndə heyəti ilə birlikdə Azərbaycan Respublikasında rəsmi səfərdədir.

Parlamentin mətbuat xidmətinin yaydığı məlumatda Şalva Papuaşvilinin bu gün Azərbaycan Respublikasının Prezidenti İlham Əliyevlə görüşəcəyi deyilir.

Verilmiş məlumatda səfər çərçivəsində Azərbaycan Respublikasının Milli Məclisinin sədri Sahibə Qafarova və Azərbaycan Respublikasının Baş naziri Əli Əsədov ilə görüşlər keçiriləcəyi deyilir.

Gürcüstan parlamentinin sədri Şalva Papuaşvilinin rəhbərlik etdiyi parlament nümayəndə heyətinə parlamentin vitse-spikeri Arçil Talakvadze, “Gürcü Arzusu” fraksiyasının sədr müavini Qreta Tsitsava, parlament çoxluğunun üzvləri: Savalan Mirzoev, Zaur Darğallı və “Vahid Milli Hərəkat – Birləşmiş Müxalifət “Güc birlikdədir” fraksiyasının üzvü Ramaz Nikolaişvili daxildir.