Gürcüstan parlamentinin sədri Şalva Papuaşvili Azərbaycan Respublikasının Milli Məclisinin sədri Sahibə Qafarova ilə görüşüb.

Şalva Papuaşvili Prezident Heydər Əliyevin 100 illik yubileyinə həsr olunmuş Milli Məclisin xüsusi sessiyasında iştirakın onun üçün şərəf olduğunu bildirib.

Tərəflər iki ölkə və xalqlar arasında sıx dostluq münasibətlərini müsbət qiymətləndiriblər. Gürcüstan və Azərbaycan xalqlarının rifahı naminə parlamentlər səviyyəsində sektoral komitələr və dostluq qrupları arasında əlaqələrin gücləndirilməsinin zəruriliyinə diqqət yetiriblər.

Eləcə də Cənubi Qafqaz regionunda cari hadisələri müzakirə ediblər. Gürcüstan, Azərbaycan və Türkiyə arasında üçtərəfli əməkdaşlığa diqqət yetiriblər.

Gürcüstan və Azərbaycan parlamentlərinin sədrləri parlament əlaqələrinin daha da möhkəmləndirilməsi barədə razılığa gəliblər.

Görüşdə parlamentin vitse-spikeri Archil Talakvadze, parlamentin deputatları Zaur Darqali və Savalan Mirzoev, eləcə də Gürcüstanın Azərbaycandakı səfiri Zurab Pataridze iştirak ediblər.

Məlumatı Gürcüstan parlamentinin mətbuat xidməti yayır.