Gürcüstan parlamentinin sədri Şalva Papuaşvili Avstraliya Parlamentinin Nümayəndələr Palatasının sədri Milton Dik ilə görüşüb.

Gürcüstan parlamentinin mətbuat xidməti tərəfindən verilən məlumatda görüş çərçivəsində Şalva Papuaşvilinin Gürcüstanın ərazi bütövlüyünə, BMT Baş Assambleyası və İnsan Haqları Şurasında Gürcüstanın qətnamələrinə verdiyi dəstəyə, birgə sponsorluğa görə Avstraliyaya minnətdarlığını ifadə etdiyi deyilir.

İdarədən verilən məlumatda tərəflərin Gürcüstan və Avstraliya arasında ikitərəfli münasibətləri müzakirə etdikləri deyilir. 2022-ci ilin iyulun 16-da Gürcüstan ilə Avstraliya Birliyi arasında diplomatik münasibətlərin qurulmasının 30-cu ilinin tamamlanması faktı vurğulanıb.