Şalva Papuaşvili Aİ-nin səfiri ilə görüşüb

20:09, 23.01.2023

Gürcüstan parlamentinin sədri Şalva Papuaşvili Aİ-nin Gürcüstandakı nümayəndə heyətinin rəhbəri Pavel Herçinski ilə görüşüb.

Parlamentin mətbuat xidmətindən verilən məlumatda tərəflərin Aİ-nin tövsiyələrində və assosiasiya sazişində nəzərdə tutulan məsələlərin icrasının gedişatını müzakirə etdikləri deyilir.

Verilən məlumatda parlamentin 2023-cü ilin yaz sessiyası ilə bağlı planları, eləcə də Avropa İttifaqının 2023-cü ildə planlaşdırdığı qiymətləndirmə prosesi barədə də söhbət aparıldığı deyilir.

Parlament tərəfindən yayılmış məlumatda Aİ səfirinin Gürcüstana Avropaya inteqrasiya prosesində dəstəyini ifadə etdiyi qeyd olunub.

Müəllif - Sevinj Mustafaeva

Siyasət