Şalva Papuaşvili - 26 May sədaqət, fədakarlıq xatirəsini daşıyır, biz Avropa dövləti qurmağa davam edəcəyik, onun yeri Avropa İttifaqındadır

17:30, 26.05.2022

Gürcüstan parlamentinin sədri Şalva Papuaşvilinin sözlərinə görə, 26 May Gürcüstanın sədaqət, fədakarlıq və azadlıq mübarizəsinin xatirəsini daşıyır.

O, Gürcüstanın Avropa dövləti qurmağı davam etdirəcəyini və onun layiq olduğu yerin Avropa İttifaqında olduğunu bildirib.

“26 May sədaqət, fədakarlıq və Gürcüstanın azadlığı uğrunda mübarizənin xatirəsini daşıyır. Ölkə daxilində və xaricində bütün vətəndaşlarımızın keçmişini, bu gününü və gələcəyini birləşdirən budur. Biz Avropa dövləti qurmağa davam edəcəyik, onun layiq olduğu yer Avropa İttifaqıdır. Müstəqillik gününüzü təbrik edirəm”- deyə Şalva Papuaşvili öz “Twitter” səhifəsində yazır.

Müəllif - Sevinj Mustafaeva

Siyasət