Azadlığınız, müstəqilliyiniz, həmçinin bizim azadlığımız, müstəqilliyimiz, ümumi Avropa yolumuz üçün mübarizə apardığınızı bilirik -bu barədə Gürcüstan prezidenti Salome Zurabişvili videomüraciətində bildirib.

Salome Zurabişvili Ukrayna xalqına müraciət edərək qeyd edib ki, gürcü xalqı Ukrayna xalqını dəstəkləyir və Rusiyanın təcavüzünə qarşı mübarizədə onun yanındadır.

” Gürcüstan əhalisi, Gürcüstan dövləti adından dostlarımıza, şəhərlərdə döyüşən, Mariupolda, Kiyevdə, Xarkovda, Odessada müqavimət göstərən Ukrayna vətəndaşlarına müraciət etmək istərdim. Bu mübarizəni dəstəkləməkdə cəsarət göstərmiş ukraynalı qadınlara müraciət etmək istərdim. Qonşu ölkələrdə, bəziləri isə Gürcüstanda olan ukraynalı qaçqınlara müraciət etmək istərdim. Demək istəyirəm ki, biz gürcülər sizi dəstəkləyirik, Rusiyanın təcavüzünə qarşı bu mübarizədə sizinləyik. Bunun nə demək olduğunu və bir ay ərzində işğala müqavimət göstərməkdə nə qədər cəsarətli olduğunuzu bilirik. Düz 29 gündür və bu, hamının fövqəldövlət hesab etdiyi Rusiyaya qarşı qazandığınız 29 qələbədir” – deyə Salome Zurabişvili bildirib.

Onun sözlərinə görə, Rusiya Ukraynanı düşündüyü kimi tez məğlub edəcək qədər güclü deyil.

“Sizə uğurlar, qələbə, müqavimət arzulamaq istəyirəm, çünki dostlarınız olaraq azadlığınız, müstəqilliyiniz, həmçinin bizim azadlığımız, müstəqilliyimiz, ümumi Avropa yolumuz uğrunda mübarizə apardığınızı bilirik. Təşəkkürlər Ukrayna. Ukraynaya eşq olsun “-deyə Salome Zurabişvili bildirib.