Gürcüstan prezidenti Salome Zurabişvili Tbilisi Dövlət Universitetinin tələbələrini, professor-müəllimləri və rektoratlığı universitetin təsis edilməsi günü münasibətilə təbrik edir.

Zurabişvilinin sözlərinə görə, elmin, Gürcüstanın elm və təhsil müəssisələrinin inkişafı və ali təhsilin çatımlılığı Gürcüstan üçün hələ də ictimai-siyasi təfəkkürün əsasını təşkil edir.

“Qurucu Davidin anım günü münasibətilə sizi təbrik edirəm. Cəmiyyətimiz üçün bu gün əbədiyyətə qədər ilk gürcü universitetinin yaradılması ilə bağlıdır. Müxtəlif siyasi və partiya tərkibinə baxmayaraq, o dövrün gürcü cəmiyyəti universitetin təsis edilməsi ideyası ətrafında birləşdi. Elmin, Gürcüstanın elm və təhsil müəssisələrinin inkişafı və ali təhsilin çatımlılığı Gürcüstan üçün hələ də ictimai-siyasi təfəkkürün əsasını təşkil edir və inanıram ki, cəmiyyətimiz bu gün də bunun ətrafında birləşib.

İnanıram ki, təhsil, elm və mədəniyyət məsələləri milli razılıq prosesində qütbləşmiş cəmiyyətimizin əsas birləşdirici qüvvəsi olacaqdır. Gürcüstan cəmiyyəti adından Tbilisi Dövlət Universitetinin tələbələrini, professor-müəllimləri və rektoratlığı universitetin təsis edilməsi günü münasibətilə təbrik edirəm” – deyə dövlət başçısının bəyanatında deyilir.