Salome Zurabişvili - Rusiyanın yeni təxribatına, Rusiya kruiz laynerinin Gürcüstana daxil olmasına dinc etiraz edən xalqımızla fəxr edirəm

10:00, 28.07.2023

Rusiyanın yeni təxribatına dinc etiraz edən xalqımızla fəxr edirəm, – bu barədə sosial şəbəkədə Gürcüstan prezidenti Salome Zurabişvili yazır.

Salome Zurabişvilinin qeyd etdiyi kimi, Qara dənizin təhlükəsizliyi Gürcüstan, Ukrayna və Avropa İttifaqı üçün həyati əhəmiyyət kəsb edir.

“Putinin taxılın daşınmasına və Qara dənizdə sərbəst naviqasiyaya mane olduğu bir zamanda Rusiyanın yeni təxribatına – Rusiya kruiz laynerinin Gürcüstanın Batumi limanına daxil olmasına dinc şəkildə etiraz edən xalqımızla fəxr edirəm. Qara dənizin təhlükəsizliyi Gürcüstan, Ukrayna və Avropa İttifaqı üçün həyati əhəmiyyət kəsb edir”, – Salome Zurabişvili yazıb.

Müəllif - Sevinj Mustafaeva

Siyasət