Rodionovun çəkməsi ilə Gürcüstan polisini harda, nə vaxt və hansı sözlərlə müqayisə etmişəm və ya belə müqayisə hansı xəstə beyində yarana bilərdi ?– bu barədə Gürcüstan Prezidenti Salome Zurabişvili sosial şəbəkədə yazır.

“Adətən heç bir qeybətə, böhtana cavab vermirəm, yəqin ki, bu dörd il ərzində buna diqqət yetirmisiniz… Lakin hər şeyin bir həddi var! Mənə maraqlıdır, nə vaxtsa Rodionovun çəkməsi ilə Gürcüstan polisini harda, nə vaxt və hansı sözlərlə müqayisə etmişəm!!!! və ya belə bir müqayisə hansı xəstə beyində yarana bilərdi?

Bunu kim yayırsa, dövləti, onun qurumlarını və… özünü təhqir edir.

Ümumiyyətlə, belə bir şeyi fikirləşib qeybətə çevirmək üçün insanın beynində, ruhunda, ürəyində nə olmalıdır?!”-deyə Salome Zurabişvili “Facebook”da yazır.