Gürcüstan Prezidenti Salome Zurabişvili Türkiyə Prezidenti Rəcəb Tayyib Ərdoğanı yenidən prezident seçilməsi münasibətilə təbrik edir.

Salome Zurabişvilinin “Twitter” səhifəsində yazdığı kimi, iki ölkə arasında tərəfdaşlığı davam etdirmək üçün gələcək əməkdaşlığı səbirsizliklə gözləyir.

“Prezident Ərdoğanı yenidən seçilməsi münasibətilə təbrik edirəm. Gürcüstan və Türkiyə inkişaf etməyə davam edən möhkəm dostluğa malik yaxın dostlardır. Bu tərəfdaşlığı davam etdirmək üçün gələcək əməkdaşlığımızı səbirsizliklə gözləyirəm” -deyə Salome Zurabişvili yazır.

Türkiyənin Ali Seçki Şurası Rəcəb Tayyib Ərdoğanı prezident seçkilərinin qalibi elan edib.

Türkiyənin Ali Seçki Şurasının sədri Ahmet Yener Rəcəb Tayyib Ərdoğanın 52,14 faiz səslə prezident seçkilərinin ikinci turunda qalib gəldiyini açıqlayıb.