Gürcüstan Prezidenti Salome Zurabişvili Polşanın hər zaman Gürcüstanı dəstəklədiyini və Avropaya inteqrasiya yolunda dost Polşanın dəstəyinə ümid edilməli olduğunu bildiyini söyləyib.

O, Polşanın hər zaman Gürcüstanın ərazi bütövlüyünü dəstəklədiyini və bu gün də Gürcüstanın yanında olduğunu qeyd edib.

“Ukraynanın mübarizəsi olmasaydı, bizim Ukrayna və Moldovanın Avropa İttifaqına inteqrasiya yolunun bu şəkildə sürətlənməyəcəyini bilirik və bunun üçün də minnətdarıq. Bunun üçün həqiqətən minnətdarlığımızı bildirməliyik. Gürcüstan bu çərçivədə Avropa perspektivini aldı, bu, çox şey deməkdir. Bu həm də Gürcüstanın Avropa olub-olmaması ilə bağlı coğrafi yanaşma deyilən köhnə baxışın qalığı barədə müzakirənin artıq bitdiyi mənasına gəlir və bizə Avropa perspektivi verildi. Növbəti mərhələ Ukrayna və Moldova ilə birlikdə təəssüf ki, birinci mərhələdə ala bilmədiyimiz statusdur. Bunun səbəbləri müxtəlif idi, hərçənd buna qayıtmalıyıq.

Bu halda, əhalimizin 80 faizinin arzusu olan Avropaya inteqrasiya yolundan başlamış dost Polşanın dəstəyinə arxalana biləcəyimizi bilirəm. Bu faiz son 30 ildə dəyişməyib və biz bu yolu davam etdirəcəyik. Polşanın növbəti müzakirələrdə də bizi dəstəkləyəcəyini bilirik.

Gürcüstanın minnətdarlığımı bildirmək istərdim, nəinki son 30 il ərzində, həm də son iki əsrdə Polşa hər zaman bizə dəstək olub. Nümunə üçün, o dövrdəki rus təcavüzündən, rus işğalından xilas olmuş zabitləri 1921-ci ildə İstanbuldan gətirib buradakı kadet məktəbinə qəbul edib. Bu, bizim iki ölkənin unudulmaz tarixidir və Avropada bizim vahid keçmişimizi, əminəm ki, birləşmiş gələcəyimizi yaradan da məhz budur.

Polşa hər zaman Gürcüstanın ərazi bütövlüyünü dəstəkləyir. 2008-ci ildə cənab Prezidentin qeyd etdiyi kimi, Polşa yanımızda oldu və zəruri beynəlxalq reaksiya görməzkən gələcək təhlükəni düzgün qiymətləndirdi. Bu gün də Polşa yanımızdadır. Aİ-nin Monitorinq Missiyasının rəhbəri polşalıdır və bu missiyada 22 polşalı müşahidəçi iştirak edir.

Bütün bunlara görə bir daha minnətdarlığımızı bildirmək istəyirəm və gələcəkdə Avropa İttifaqı adlı birliyin tamhüquqlu üzvü olanda bizim də Polşa üçün etibarlı dost olacağımıza çox böyük ümid bəsləyirəm. Buna arxalana bilərsiniz, cənab prezident”- deyə Salome Zurabişvili Polşa Prezidenti ilə birgə keçirilən brifinqdə açıqlayıb.