Gürcüstan prezidenti Salome Zurabişvili Orbeliani Sarayında xalq müdafiəçisi Nino Lomjaria ilə görüşür.

Lomjariyanın iclasdan əvvəl jurnalistlərə verdiyi məlumata görə, prezidentlə Tbilisidə inkişaf edən son hadisələr barədə danışacaq.

“Bu gün mən Gürcüstan prezidentinin yanına gəldim, o dövlət başçısıdır və mövcud vəziyyətlə bağlı fikirlərimi və narahatlıqlarımı bölüşmək istəyirəm. İstintaq barədə də danışım. Bildiyiniz kimi dəfələrlə açıqlama vermişəm , Daxili İşlər Nazirliyini və Prokurorluğu mütəşəkkil hücumların təşkilatçılarını müəyyənləşdirmək üçün istintaq başlatmağa çağırmışam. Təəssüf ki, bu günə qədər bu baş verməyib. Onun nə düşündüyünü eşitmək istəyirəm, o cümlədən təhlükəsizlik prizmasından da. Hesab edirəm ki, prezident həm 5 iyul hadisələrinin əvvəlki günlərində , həm də iyulun 5-də inkişaf edən hadisələr ilə əlaqədar az-çox düzgün və adekvat qiymətləndirmə edən siyasətçilərdən biridir. Hökumət başçısının verdiyi açıqlamalar barədə də nə düşündüyünü bilmək istəyirəm.

Konkret olaraq mesajım belə olacaq, prezidentə , qrup şəklində zorakılığının təşkilatçıları ilə bağlı hələ də araşdırma aparılmadığının niyə düzgün olmadığını deyəcəm. Bütün dəlillər DİN və Prokurorluğun bununla maraqlanmalı olduğunu, istintaqın və təqibin başladılmalı olduğunu , eləcə də zorakılıq hücumlarının ideoloqları və təşkilatçılarının məsuliyyətə cəlb edilməli olduğunu göstərir “-deyə Nino Lomjaria bildirib.