Gürcüstanın Prezidenti Salome Zurabişvili olimpiya iştirakçılarını təbrik edir və bu axşama planlaşdırılan tədbirə münasibət bildirir.

Prezident hesab edir ki, olimpiya iştirakçılarını bu qədər tez mükafatlandırmaq olmaz və bunun öz səbəbləri olduğunu qeyd edir.

Zurabişvilinin bugünkü brifinqdə izah etdiyi kimi, olimpiya iştirakçılarının uğurlarını hamı birlikdə qeyd etməlidir və ümumxalq şənliyi təşkil etməyi planlaşdırır. Eyni zamanda, Salome Zurabişvilinin sözlərinə əsasən, indi sentyabrın 8-dək davam edəcək Paralimpiya Oyunları başlayır, müvafiq olaraq hamının qəbulu birlikdə keçiriləcək.

“Bugünkü görüşümüz bir mövzuya aiddir – olimpiya iştirakçılarına və olimpiya iştirakçılarının qayıdışına. İlk növbədə, onları və hamını bu möhtəşəm qələbə münasibətilə təbrik etmək istəyirəm. Təkcə medallarla qayıdaraq Gürcüstan cəmiyyətini çox sevindirənləri deyil, həm də iştirak edən hər kəsi, çünki ölkəmiz üçün bu səviyyədə və bu qədər qələbələrlə iştirak etməyimiz olduqca mühümdür. 24-cü yer zarafat deyil. Məncə, bütün cəmiyyət həqiqətən onlarla birlikdə qeyd edir. Bu gün saat birdə mənə xəbər verdilər ki, axşam saat səkkizdə qəbul, olimpiya iştirakçılarının qarşılanması və sən demə, mükafatlandırma olacaq. Qarşıdurmalara öyrəşməmişəm. Ayırmalı olduğumuz başqa səviyyəli siyasi məsələlər var, amma yeri gəlmişkən, olimpiya iştirakçılarını hamımız birlikdə yola salarkən ictimai şəkildə dedim ki, mən onları qayıdanda sentyabrda burada qarşılayacaqdım. Onların bu gün belə təcili mükafatlandırılmaması üçün iki ciddi səbəbim var. Əvvəla, bu, ciddi məsələdir və tələsik görüləsi iş deyil, lakin daha iki əsas səbəb var: Mən hesab edirəm ki, bu, həqiqətən ölkəni, cəmiyyəti birləşdirən məsələdir və biz hamımız bunu insanlardan qorxduğumuz hardasa qapalı yerdə deyil, birlikdə qeyd etməliyik- ümumxalq şənliyi olmalıdır və mən elan etdiyim kimi ümumxalq şənliyi təşkil etməyi planlaşdırıram. İkincisi və bəlkə də daha önəmlisi- Paralimpiya indi başlayır və sentyabrın 8-dək davam edir. Bilmirəm, kim unudur, idman nazirimi, yoxsa bütövlükdə hökumətmi, necə ola bilər ki, biz olimpiya iştirakçılarımızın qayıdışını – əsas Olimpiya Oyunlarında iştirak edən idmançıların və paralimpiyanın iştirakçılarını ayrı-ayrılıqda qeyd edək. Xeyr, heç bir ayrı-seçkilik ola bilməz, bu qəbuledilməzdir. Biz hamını birlikdə qəbul edəcəyik, bütün xalqı, cəmiyyəti və hamını, olimpiya iştirakçılarını və paralimpiya iştirakçılarını sentyabrda gözləyirik” – Salome Zurabişvili bildirib.