Salome Zurabişvili "Krım Platforması"nın ikinci sammitində iştirak edəcək

12:58, 23.08.2022

Gürcüstan prezidenti Salome Zurabişvili, bu gün Ukrayna prezidenti Volodimir Zelenskinin təşəbbüsü ilə yaradılmış “Krım Platforması”nın ikinci sammitində iştirak edəcək.

Sammit onlayn formatda keçirilir və Krımın davam edən işğalına beynəlxalq reaksiyanın effektivliyini artırmaq, artan təhlükəsizlik təhdidlərinə cavab vermək, Kremlə beynəlxalq təzyiqləri artırmaq, Krımı işğaldan azad etmək və onu Ukraynaya qaytarmaq məqsədi daşıyır.

Gürcüstan prezidenti sammit iştirakçıları, dünya liderləri və beynəlxalq təşkilatların nümayəndələri qarşısında çıxış edəcək.

Bu barədə məlumatı Prezident Administrasiyasının Mətbuat Xidməti yayır.

Müəllif - Sevinj Mustafaeva

Siyasət