Bilirik ki, İtaliya Gürcüstanın inteqrasiyasını qəti şəkildə dəstəkləyən və bu çətin, lakin çox mühüm yolda bizim yanımızda olan Avropa ölkələrindən biridir – bu barədə Gürcüstan prezidenti Salome Zurabişvili İtaliya prezidenti Sercio Matarella ilə birgə keçirilən brifinqdə bildirib.

Zurabişvilinin sözlərinə görə, Gürcüstanla İtaliya arasında 30 illik yox, çoxəsrlik əlaqələr var.

Gürcüstan prezidentinin sözlərinə görə, Gürcüstan və İtaliyanın mədəniyyəti və sivilizasiyası uzun illər əvvəl bir-birini tanıyırdı və əməkdaşlıq edirdi.

” 25 ildən sonra Gürcüstan prezidentinin İtaliyaya ilk dövlət səfəri bu gün baş tutub və eyni zamanda biz diplomatik münasibətlərimizin 30 illiyini qeyd edirik. Bu tarixlər çox vacibdir, çünki Gürcüstanla İtaliyanın 30 illik yox, çoxəsrlik əlaqələri var. Bizim iki mədəniyyətimiz və sivilizasiyamız bir-birini əsrlər əvvəl tanıyıb və əməkdaşlıq edib. Mən Romadayam və bəlkə də təsadüfi deyil, təxminən 65 il əvvəl Roma müqavilələrinin imzalanması vahid Avropa ideyasının əsasını qoyuldu. Avropanın ilk federal konstitusiyasının gürcü professor, mühacir, Strasburq Universitetinin professoru Mixeil Musxelişvili tərəfindən yazıldığını çoxları yəqin ki, bilmir və ya unudur. Biz bununla fəxr edirik, çünki Avropanın əsaslarında da varıq. Əsrlər boyu Gürcüstan Avropaya baxıb və son vaxtlar bunun çoxlu nümunələri var. Bu 30 il ərzində gürcü xalqı nəinki Avropaya baxdı, hətta 80%-dən çoxu Avropaya inteqrasiyanı güclü şəkildə dəstəklədi, bu gün bu kontekstdə görünən, sürətləndirilmiş prosesə hazır olmalıyıq. Beləliklə bu keçmiş və tarixlərdən irəli gələrək, məhz burada və indi prezident Matarella ilə birlikdə bizim Avropaya inteqrasiya prosesimizi, Gürcüstanda mövcud olan gözləntiləri bir daha vurğulamaq imkanımızın olması məntiqli və məqsədəuyğundur. Bilirik ki, İtaliya Gürcüstanın inteqrasiyasını qəti şəkildə dəstəkləyən və bu çətin, lakin çox mühüm yolda bizim yanımızda olan Avropa ölkələrindən biridir”- deyə Zurabişvili bildirib.

Gürcüstan prezidenti bu gün İtaliya Respublikasına dövlət səfəri edib.