Gürcüstan prezidenti Salome Zurabişvili hökuməti və müxalifət partiyalarının nümayəndələrini Aİ-yə üzvlük və Ukrayna məsələsində vahid mövqenin formalaşması üçün bütün səyləri göstərməyə çağırıb.

Onun sözlərinə görə, baş nazirin Aİ-yə üzvlüklə bağlı bəyanatını və parlamentdə hazırlanan qətnaməni müsbət qiymətləndirir. Prezident hamını qətnaməni yekdilliklə qəbul etməyə çağırıb.

” Hökumətə və müxalifət partiyalarının nümayəndələrinə müraciət etmək istəyirəm. Bu çətin zamanlarda bütün səylər göstərilməlidir ki, ümumi mövqe formalaşdıra bilək: bir tərəfdən Aİ-yə üzvlük məsələsində, digər tərəfdən isə Ukrayna ilə bağlı. Belə ki, heç bir məsələ dar siyasi maraqlar üçün istifadə olunmasın.

Baş nazirin üzvlüklə bağlı bəyanatını alqışlayıram, parlamentdə işlənən qətnaməni alqışlayıram və hamını bu qətnaməni yekdilliklə qəbul etməyə çağırıram. Qeyri-hökumət təşkilatlarının bir neçə bəyanatı , ictimaiyyətin digər petisiyaları və ya təşəbbüsləri də tanış olmuşam və bunu müsbət qiymətləndirirəm. Təklif edirəm ki, bütün bu təşəbbüslər birləşsin və hamımız bizim müraciətimizi dəstəkləyəcək və bu məsələdə tam birliyimizə işarə edəcək vahid sənəd imzalayaq və Gürcüstan adından bir zərf olaraq Aİ-yə göndərilsin. Müxalifətdən seçilə biləcək Aİ-yə inteqrasiya üzrə dövlət naziri postunun və idarənin dərhal yaradılmasını təklif edirəm. O, digər namizəd ölkələr halında olduğu kimi, üzvlük tələblərinin dərhal yerinə yetirilməsini təmin etmək üçün koordinasiyanı həyata keçirəcək. Mən hökuməti müxalifət spektrinin iştirakı ilə bütün həssas məsələlərin müzakirə olunacağı Təhlükəsizlik Şurasının genişləndirilmiş və ya digər formatı yaratmağa çağırıram. Yeri gəlmişkən, bir daha hamınızı bu çətin zamanda nifrət nitqinin istifadəsinə moratorium elan etməyə çağırmaq istərdim.

Sonda , Ukraynaya dəstəyi ifadə edən bütün özəl təşəbbüslərə və həmrəylik təşəbbüslərinə görə xalqa təşəkkür etmək istərdim. Həmçinin, Ukraynada yaşayan soydaşlarımız adından və şəxsən öz adımdan Kiyev, Odessa və Lvovdakı Səfirlik və Konsulluğun əməkdaşlarına şəxsi və yorulmaz fədakarlıqlarına görə təşəkkür etmək istərdim.

Demək istərdim ki, bizi mürəkkəb dövr, bütün dünyada olduğu kimi ağır iqtisadi və sosial vəziyyət gözləyir. Bu, ukraynalı qardaşlarımızın azadlığımızı, müstəqilliyimizi qoruduğu və yeni gələcəyin qapısını qan və mübarizə ilə açdığı bir vaxtda cəmiyyətimizin verəcəyi töhfədir. İstəyirəm ki, iqtidar və müxalifətlə əməkdaşlıq və birlik yolunu tapmaq üçün səyimi əsirgəməyəcəyimi biləsiniz. Gəlin təhlükələr qarşısına birlikdə çıxaq və bütün yeni qapıların açarlarını birlikdə tapaq. Siz də öz töhfənizi verməli, öhdəliyinizi yerinə yetirməli və milli razılığı reallaşdırmalısınız, çünki o, ölkənin əsl sütunudur, bizə hər şeyin öhdəsindən gəlməyə kömək edəcək və hər şeyi etməyə imkan verəcək. Ukraynaya şöhrət ! Qəhrəmanlara şöhrət ! Gürcüstana şöhrət !”-deyə Salome Zurabişvili bildirib.