Gürcüstan Prezidenti Salome Zurabişvili Muxatqverdi Qardaşlar Qəbiristanlığına gedərək 2008-ci ilin avqust müharibəsində həlak olan döyüşçülərin xatirəsini yad edib.

Salome Zurabişvilinin jurnalistlərlə söhbəti zamanı dediyi kimi, bundan əvvəl Svetitsxovelidə olub, Şovidə təbii fəlakət nəticəsində və avqust müharibəsi zamanı həlak olan insanlara dua edib.

Bununla yanaşı, Salome Zurabişvili diqqəti cəmiyyətin birliyinə yönəldib.

“İndi Racada həlak olmuş insanlara dua edilən Svetitsxovelidən gəlirəm. Ola bilsin hələ də həyatdadırlar və ailələrinə qayıda bilərlər, onlar üçün dua etdilər. Eyni zamanda 2008-ci ilin müharibəsində Gürcüstan uğrunda həlak olanlara dualar oxudular.

Hər ikisi avqustda baş vermiş bu iki faciə tam üst-üstə düşməyə bilər. Son zamanlar tez-tez görünən düşmən bizimlə bəzən müharibə ilə, bəzən də yumşaq güclə döyüşür, bunun üçün birliyimiz zəruridir, eyni zamanda qəzəblənmiş təbiət də bizə qarşı mübarizə aparır, bunun qarşısında da birlik içərisində olmalıyıq.

Sosial şəbəkələrdə yazılan və ya səsləndirilən elə bəyanatlar eşidilir ki, mənim üçün bu, bu gün qəbuledilməzdir. Əminəm ki, bütün bunlar gürcülər və Gürcüstan üçün qəbuledilməzdir. Biz burada əbədi uyuyan insanların mübarizə apardığı müstəqilliyi istəyiriksə, həqiqətən də bu müstəqilliyi istəyiriksə, dövlət istəyiriksə, özümüzə gəlməli, ortaq təhlükəmizin harada olduğunu görüb, bir-birimizə deyil, ümumi düşmənə qarşı birgə mübarizə aparmalıyıq” -deyə Salome Zurabişvili açıqlayıb.