Qütbləşməyi təşviq edən əsas problemlərdən biri sabiq prezident, Mixeil Saakaşvilinin məsələsidir, bütün tərəflərin spekulyasiyalara son qoyması vacibdir, dekabrın 22-nə qərarı gözləyək- bu barədə Gürcüstan Prezidenti Salome Zurabişvili diplomatik korpusun nümayəndələri ilə təntənəli qəbulda açıqlayıb.

O, ölkə əhalisinin qütbləşmənin bitməsini, yeni qüvvələr və yeni perspektivlər görmək istədiyini bildirir.

Bundan əlavə, prezidentin qeyd etdiyi kimi, indiki mərhələdə qütbləşməyə son qoymaq nə iqtidarın, nə də müxalifətin siyasi iradəsi deyil.

“Gürcüstan üçün qarşımızda duran və gələcəyimizi müəyyən edə biləcək böyük çağırışlarla yanaşı, daxili çağırışlarımız nədənsə cəfəngiyyat, qeyri-relevant və daha az əhəmiyyətli görünür. Əhalimizin istəyi bəllidir. Qütbləşmənin bitməsini, yeni qüvvələr, yeni rəqəmlər, fiqurlar, perspektivlər görmək istəyirlər. Bu mərhələdə istər iqtidar, istərsə də müxalifət olsun bu siyasi qüvvələrin iradəsi deyil. Onlar hələ də öz səlahiyyətlərindən və partiya ambisiyalarından yapışıblar. Bu qütbləşməyi təşviq edən əsas problemlərdən biri də sabiq prezidentin məsələsidir. Demişəm və təkrarlayıram, bu ölkə, onun nüfuzu, daxili sabitliyi və gələcəyi üçün bütün tərəflərin spekulyasiyanı dayandırması və dekabrın 22-nə qərarı gözləməsi vacibdir, əminəm və əmin olmaq istəyirəm ki, Gürcüstan xalqına bu vəziyyətdən çıxmağa imkan verəcək. Hamı öz vəzifəsinə, ölkəni idarə etməyə, problemləri həll etməyə, ölkəni sabit yola salmağa fokuslansın. Avropaya, sülhə və firavanlığa köklənsin və 2023-cü ildə ölkə və dünya üçün arzuladığım məhz budur”- deyə Prezident açıqlayıb.