Düşünmürəm ki, müqayisə edə bilərik – Gürcüstan Prezidenti Salome Zurabişvili Navalnının ölümü və Mixeil Saakaşvili məsələsi ilə bağlı sual verən “Bloomberg”in jurnalistinə belə cavab verib.

Salome Zurabişvilinin “Bloomberg”ə müsahibəsində qeyd etdiyi kimi, müqayisə üçün heç bir əsas yoxdur.

Sual-Bu gün biz Aleksey Navalnının ölümünü öyrəndik. Sizdən soruşmaq istəyirəm, nə düşünürsünüz? Həmçinin, sizdə Mixeil Saakaşvili var, onun da səhhəti ağırdır, Zurabişvili qeyd edib: “Düşünmürəm ki, müqayisə edə bilərik”.

Onun sözlərinə görə, Gürcüstan Rusiya deyil.

“Müqayisə üçün heç bir əsas yoxdur, xüsusən də bu halda. Gürcüstan Rusiya deyil və mən bunu hər zaman təkrar edəcəyəm. Aleksey Navalnı ilə bağlı bu faciəvi vəziyyətə gəlincə, əgər bu, doğrudursa, sübuta yetirilərsə (onun həyat yoldaşı bu yaxınlarda burada konfransda idi), fikrimcə, bu, bütün dünyada insan haqları və demokratiya üçün dağıdıcı və faciəli olacaq. Rusiya üçün isə bu, sadəcə olaraq, bu gün orada hansı rejimin olduğunu təsdiqləyəcək, hərçənd düşünürəm ki, bizim üçün, hamımız üçün faciə olacaq” – Zurabişvili açıqlayıb.