“Bildiyiniz kimi, mən həmişə optimistəm və ümumiyyətlə, optimizm öz bəhrəsini verir. Burada dünən və bu gün keçirdiyim görüşlər mənə ümid verir ki, biz optimist ola bilərik. Bu o demək deyil ki, bizdə hər şey düzgündür və heç nə edəsi deyilik. Biz nə etməli olduğumuzu çox yaxşı bilirik. Bu yolda hər kəsin öz yeri və təyinatı var. Hər kəs hər şeyi etsə, çox böyük şans var ki, onlar bizi tanıyacaq və həqiqətən bizə məxsus olanı verəcəklər”- Salome Zurabişvili bildirib.

Gürcüstan Prezidentinin sözlərinə görə, Avropa Şurasının Prezidenti Şarl Mişel və Avropa Komissiyasının Prezidenti Ursula fon der Laien Gürcüstana səfər etməyi planlaşdırdıqlarını bildiriblər. Salome Zurabişvilinin sözlərinə görə, Avropa Parlamentinin Prezidenti Roberta Metsola da Gürcüstana səfər etmək niyyətindədir.