Salome Zurabişvili Beynəlxalq Qafqaz Universitetində Niko Nikoladze adına zalın açılışını edib

20:33, 26.09.2022

Gürcüstan prezidenti Salome Zurabişvili bu gün Beynəlxalq Qafqaz Universitetində Niko Nikoladze adına konfrans zalının açılış mərasimində iştirak edib.

Konfrans zalının açılış mərasimində universitetin rektoru Kaxaber Kordzaia, rektorun müşaviri və Niko Nikoladze Cəmiyyətinin sədri Qiorqi Pareşişvili qonaqlar qarşısında çıxış ediblər. Tarix elmləri doktoru, professor Ketevan Şoşiaşvili isə Niko Nikoladzenin həyat və yaradıcılığı haqqında məruzə oxuyub.

Tədbirdə universitetin tələbələri, müxtəlif ali təhsil ocaqlarından Niko Nikoladzenin həyat və fəaliyyətini araşdıran tədqiqatçılar iştirak ediblər.

Açılış mərasimindən sonra prezident kitabda ürək sözlərini yazıb.

Müəllif - Sevinj Mustafaeva

İctimaiyyət