Beynəlxalq ictimaiyyəti diqqəti Gürcüstanın işğal olunmuş ərazilərində mədəni irsimizin qorunması məsələsinə yönəltməyə çağırıram – bu haqda Gürcüstan Prezidenti Salome Zurabişvili sosial şəbəkədə yazır.

Salome Zurabişvili işğal altındakı Soxumidə sərgi salonunda baş verən yanğına münasibət bildirib.

“İşğal altındakı Abxaziyada baş verən yanğın nəticəsində Soxumi Milli Qalereyasının məhvi hər birimiz üçün faciədir. Mən buna təəssüflənirəm, bu, həm de-fakto rəhbərliyin, həm də rus işğalçıların mədəni kimliyə etinasız yanaşmasının birbaşa nəticəsidir. Beynəlxalq ictimaiyyəti diqqəti Gürcüstanın işğal olunmuş ərazilərində mədəni irsimizin qorunması məsələsinə yönəltməyə çağırıram”- Salome Zurabişvili yazır.

Media, Soxuminin əsas sərgi salonunda baş verən yanğın nəticəsində 4000-dən çox əsərin yanması ilə bağlı məlumat yayır.