Avropa Gürcüstana bir daha sarsılmaz dəstək nümayiş etdirdi – bu barədə Gürcüstan Prezidenti Salome Zurabişvili sosial şəbəkədə yazır.

Salome Zurabişvili Tamaz Qinturinin qətli ilə bağlı qəbul edilən qətnaməyə görə Avropa Parlamentinə təşəkkür edir.

“Avropa bir daha Gürcüstana sarsılmaz dəstək nümayiş etdirdi. Biz Avropa Parlamentinin Tamaz Qinturinin qətli ilə bağlı qəbul etdiyi, davam edən Rusiya işğalı səbəbindən Gürcüstan vətəndaşlarının üzləşdiyi problemlərin həllində beynəlxalq ictimaiyyətin rolunu vurğulayan qətiyyətli qətnaməyə görə minnətdarıq” – prezident yazıb.

Tamaz Qinturinin Rusiya işğalçı qüvvələri tərəfindən öldürülməsi ilə bağlı Avropa Parlamentində qətnamə hazırlanıb.