Gürcüstan Prezidenti Salome Zurabişvili Amerika Birləşmiş Ştatlarında işgüzar səfərdədir. Prezident Nyu-Yorkda qadınların və qızların gücləndirilməsi, innovasiyalar, texnoloji dəyişikliklər və rəqəmsal dövrdə təhsil məsələlərinin müzakirə olunacağı Birləşmiş Millətlər Təşkilatının İqtisadi və Sosial Şurasının Qadınların Vəziyyəti Komissiyasının 67-ci sessiyasında çıxış edəcək.

Nyu-Yorka işgüzar səfəri çərçivəsində Gürcüstan Prezidentinin BMT-nin baş katibi Antonio Quterreş, BMT baş katibinin müavini Əminə Məhəmməd, BMT-nin Qadınlar Təşkilatının icraçı direktoru Sima Sami Bahu, BMT-nin İnkişaf Proqramının administratoru Ahim Ştainer ilə görüşləri nəzərdə tutulub.

Bununla yanaşı, Gürcüstan Prezidenti forumda iştirak edən ölkələrin prezidentləri və Nyu-Yorkun meri Erik Adamsla ikitərəfli görüş keçirəcək.

Gürcüstan Prezidentinin Con Kennedi adına Hökumət Məktəbində açıq mühazirə ilə çıxış edəcəyi Yale və Harvard universitetlərinə səfəri planlaşdırılır.

Gürcüstan Prezidenti Nyu-Yorkda Harvard Klubunu da ziyarət edəcək, klub üzvləri ilə regionda yaranmış vəziyyəti və geosiyasi vəziyyəti müzakirə edəcək.