Ukrayna hakimiyyəti Ukrayna səfirinin məsləhətləşmələr üçün geri çağırılmasının başa çatması ilə bağlı müvafiq bəyanat verənə qədər, səfirin yenə də geri çağırılmış olduğunu hesab edə bilərik -bu barədə “Lelo”-nun üzvü Salome Samadaşvili bildirib.

Samadaşvili bu açıqlamayla Ukraynanın səfiri İqor Dolqovun Gürcüstanda olması ilə bağlı yayılan məlumatlara münasibət bildirib.

” Ukrayna səfirinin geri çağırılması ilə bağlı qərara yenidən baxılarsa, müvafiq bəyanatı ölkənin siyasi rəhbərliyi və prezidenti verməlidir. Ukrayna səfirinin fiziki olaraq harada olduğunu həqiqətən bilmirəm, lakin Ukrayna hakimiyyəti Ukrayna səfirinin məsləhətləşmələr üçün geri çağırılmasının başa çatması ilə bağlı müvafiq bəyanat verənə qədər, səfirin yenə də geri çağırılmış olduğunu hesab edə bilərik. Əgər prezident Zelenski səfiri məsləhətləşmədən geri qaytarmaq barədə bəyanat verərsə, o zaman səfirin həmişəki adi qaydada öz öhdəliklərini yerinə yetirməyə qayıtdığını hesab etmək olar”- deyə Salome Samadaşvili bildirib.

Məlumat üçün bildirək ki, Ukraynanın səfiri İqor Dolqov Gürcüstandadır. Gürcüstanın Birinci Kanalının kamerası İqor Dolqovun Ukrayna səfirliyinə necə getdiyini qeydə alıb. Ukrayna prezidenti Volodimir Zelenski tərəfindən onun martın 1-də Gürcüstandan geri çağırılmasından sonra Ukrayna səfiri mətbuat qarşısına çıxmayıb.