Bu gün boykot elan edilməsi parlamentin fəaliyyəti üçün heç bir nəticə vermir-bu barədə “Lelo”nun üzvü Salome Samadaşvili açıqlayıb.

Samadaşvili Levan Xabeişvilinin “Milli Hərəkat”ın artıq parlament həyatında iştirak etməyəcəyi ilə bağlı bəyanatına münasibət bildirib.

Salome Samadaşvili parlamentin tribunasından müzakirə edilməli olan çoxlu problemlər olduğunu bildirib.

“Mənim üçün bir az qəribədir, görünür, hətta “Milli Hərəkat”da da müxtəlif günlərdə bu məsələ ilə bağlı fərqli qərarlar verirlər. Bir neçə gün əvvəl “Milli Hərəkat”ın sədrinin Mixeil Saakaşvilinin köçürülməməsi və ya azadlığa buraxılmayacağı təqdirdə parlamenti tərk etməyəcəkləri ilə bağlı hədələdiyini xatırlayırıq, indi isə dünən Bidzina İvanişvili Saakaşvilini həbsxanada qoyduqdan sonra parlamentə boykot elan etdilər. Bütün bunlar onu təsdiqləyir ki, siyasi nöqteyi-nəzərdən, o cümlədən Mixeil Saakaşvilinin sağlamlığı və həyatını xilas etmək baxımından bu boykotun heç bir nəticəsi olmayacaq. Eyni zamanda parlamentdə və parlament tribunasından da müzakirə edilməli olan bir çox çağırışlar, problemlər var.

Əgər hər hansı siyasi qərar, parlamentdən getmək kimi ciddi qərar qəbul edirsinizsə, siyasi proseslər üçün bunun hansı nəticələri olduğunu başa düşməlisiniz. Hələlik bunun ölkəmizin və xalqımızın maraqları üçün hansı nəticələr verəcəyini görmürük”- deyə Salome Samadaşvili açıqlayıb.