Səfirin məsləhətləşmələr üçün geri çağırılması diplomatik dildə o deməkdir ki, Ukrayna hökuməti hesab edir ki, hazırkı Gürcüstan hökuməti nəinki Ukrayna dövlətinə öz siyasəti ilə kömək etmir, həm də Rusiyanın hərbi müdaxiləsinə və müharibə tapşırıqlarının həyata keçirilməsinə kömək edir – bu barədə “Lelo”-nun üzvü Salome Samadaşvili bildirib.

Samadaşvilinin sözlərinə görə, onlar hazırda Avropa İttifaqının tətbiq etdiyi sanksiyalara qismən də olsa dərhal qoşulmağı tələb etmək üçün Gürcüstan parlamentinin dərhal işə başlaması tələbini gündəmə gətirirlər.

“Ukrayna dövləti görünməmiş bir qərar verdi və Gürcüstan Rusiyadan sonra fövqəladə və səlahiyyətli səfirini məsləhətləşmələr üçün çağırdığı dövlət oldu. Bunun diplomatik dildə nə demək olduğunu ictimaiyyətə izah etmək istərdim – Ukrayna hökuməti hesab edir ki, hazırkı Gürcüstan hökuməti nəinki Ukrayna dövlətinə öz siyasəti ilə kömək etmir, həm də Rusiyanın hərbi müdaxiləsinə və Ukrayna dövlətinin ləğv edilməsi hədəfini daşıyan müharibə tapşırıqlarının həyata keçirilməsinə kömək edir.

Biz dəfələrlə hakim çoxluğu parlamentin növbədənkənar iclasını keçirməyə çağırmışıq, biz plenar iclasdan Ukrayna xalqını salamlamaq və ruhlandırmaq üçün bu gün səfirin buraya dəvət edilməsi üçün müraciət etdik.

Əvəzində o, geri çağırılıb və biz hazırda Avropa İttifaqının tətbiq etdiyi sanksiyalara Gürcüstan dövlətinin qismən də olsa dərhal qoşulmasını tələb etmək üçün Gürcüstan parlamentinin dərhal işə başlaması tələbini gündəmə gətiririk. Bu dövlətimizi qorumaq üçün, təxirəsalınmaz zərurətdir” – deyə Salome Samadaşvili bildirib.

Samadaşvilinin sözlərinə görə, o, gürcü xalqına da müraciət edir, aktiv aksiyalar, o cümlədən manifestasiyalar vasitəsilə Ukraynanı dəstəkləməyə davam etmək həyati əhəmiyyət kəsb edir.

“Reallıq ondan ibarətdir ki, bir tərəfdə gürcü xalqı, müxalifətin tam spektri, digər tərəfdə isə Kiyevin süqutunu gözləyən baş nazir Ğaribaşvili özünün əksəriyyəti ilə birlikdə dayanır, “Gürcü Arzusu”-nun mövqeyini Ukrayna hökuməti məhz belə qiymətləndirdi.

Mən hər kəsi bu məsələyə vahid şəkildə münasibət bildirməyə çağırmaq istəyirəm, xarici işlər nazirini yaxın dəqiqələrdə çıxıb gürcü xalqına və Gürcüstan əhalisinə təmsil etdiyi hökumətin mövqeyinin nə olduğunu , Ukraynanın səfiri geri çağırmasının nə demək olduğunu izah etməyə çağırıram, Zalkaliani yaxın dəqiqələrdə izahat versin”-deyə Salome Samadaşvili bildirib.